My Jaan

Jheel ke rang badalte hain, mausam ke badal jane se, 
phoolon ka nikhar badalta hai,rimjhim fuhaar aa jane se. 
Kuch is tarah badle hai mere rang-dhang bhi, 
meri duniya me TUMHARE aa jane se. 

Pani ki har din ek nayi poshak hoti hai, 
Lehron ke ruup me jhoomti hai aur naachti hai, 
Kirno se milke muskurati hai,jhilmilati hai, 
kuch aisi hi umang TUMHE milne se aati hai.

TUMHARE gaal se tapakti barish ki boond muje aksar kaha karti hai, 
ki uski khushi ka safar tumhare muskurahat par nirbhar hai, 
main kehta hun use ki tum ho gayi ho anmol ab, 
Meri JAAN ke chehra ka taara ban jane se. 

Mere liye TUMHARA pyar ek sapna hai, 
ek junoon hai, ek ichcha hai, 
TUMHARA aana ek khushi, TUMHARA jana ek dard, 
aur ab jab TUM mere saath ho, 
kuch yaad nahi mujhe PYAR ke alawa....

Hua aaj fir man ki Kavita ki jaaye.....

Dil se ek dhadkan ku juda paya....
hawa ke jhonke ne sihran machaya......
chanchal man ne socha ki aasman choo jaayen.....
hua aaj fir man ki kavita ki jaaye..........

Khelu main titliyon se phoolon ke beech.....
Ose ki bundon ke chheeten udaun main.....
Mitti me dhanse hue peron ko dekhke .......
hua aaj fir man ki kavita ki jaaye..........

Wo ravivaar ke din, wo tyohaar yaad aaye hain....
khelte the .....mastate the.....parijano ke sang....
wo toota hua kaanch,purane din yaad karaye......
hua aaj fir man ki kavita ki jaaye..........

Achanak man mera ek gaane ki dhun gungunaye....
us dhun se jude jazbaat yaad aaye......
inhi yaadon me hoth bejubaan ho gaye.....
hua aaj fir man ki kavita ki jaaye......

Gazar ke halwe ki khusbu aayi kahin se......
wo pyari si daant ki awaaz aayi kahin se......
un mamta bhari aakhon ke aansu yaad aaye......
hua aaj fir man ki kavita ki jaaye......

mele me jaake muje mithayi khana hai....
un jhoolon me beth ke hansna-hasana hai.....
gin-gin kar santre ki goliyan baantna yaad aaye.......
hua aaj fir man ki kavita ki jaaye......

wo chacha chaudhary, wo Billu yaad aaye......
unhe sapne me bhi dekhna ...yaad aaye....
Karun main bi aise kaarname.......ye ichcha man me aaye....
hua aaj fir man ki kavita ki jaaye......

Pehla certificate, pehli prashansa yaad aaye.....
aise hi me aankhen me chamak aa jaye......
haar ko jeet me badalna yaad aaye.........
hua aaj fir man ki kavita ki jaaye......

kavita karna to ek maadhyam hai......
jazbaaton ko shabdon me daalna....asambhav hai....
jitna bhi likhna aata hai ....aapki hi den hai.....
aapko sochta hun main .....isliye likhta hun main.........isliye likhta hun main.....

(c) Zobo Pvt. Ltd.

Mila Dost Muje

Chote bachchon ke muskurate chehron sa....
Unke aankhon me chhipi shararaton sa...
Kuch manmauji sa....kuch dhool sa....
Mila dost muje, thoda aag sa ...thoda paani sa....

Bagh me udd rahi koyal sa....
Baalon ko lehraati thandi pawan sa....
Patton ke beech se aa rahi kiran sa.....
Mila dost muje, thoda dhoop sa... thoda chhanv sa....

Wo samandar ki vishalta sa....
Wo vaadiyon ke sundar nazaron sa....
Sardi ki subah me Ose ke taron sa....
Mila dost muje, thoda neela sa...thoda hara sa....

Nirantar badalte samay sa.....
Hai wo pakad se duur, kisi abra sa....
Wo resham ke naram ehsaas sa....
Mila dost muje, thoda dil sa... thoda dimag sa...

" 16 ghante ki baat.... "

Dil me yaadon ka kona tha sajaya,
uski khushboo ko saanson me tha basaya,
thi wo poore raaste mere khayalon me,
jaise meri rooh nahi, ho wo koi saaya.....

Hilte pardon me uski aahat lagne lagi,
kore kagaj me bhi uski tasvir banne lagi,
laga wo jhaankegi kabhi khidki se,
isi aas me dil ki dhadkan badhne lagi.....

Nadiya ko chhoota sooraj,palak jhapkane sa lage,
door chamakti roshni uske ghar si lage,
jaanta tha ki manzil ab duur nahi,
inhi khayalon ke beech muje neend satane lage.....

Nayi subah,nayi umang bhar rahi hain,
unse milne ki ghadi,najdik aa rahi hain,
unhe khabar hi nahi humare aane ki,
banane ye din khaas,hum aa gaye hain.....hum aa chuke hain....

...... Woh ......

Baarish ki boondein sardi ka mausam chaya hai,
Thandi hawa ne yaad kuch fir dilaya hai,
Chidiyon ke chahchahatne is dil ko lubhaya hai,
Fir is suhane mausam me, khud ko akela paya hai...

Is sajawat ke saaman ki hume jarurat nahi,
Chakachaundh me kho jayen, aise hum nahi,
Tumhari yaadon ka sheeshe se aashiyana banaya hai,
Kaanch ke tutne se wo gujra pal yaad aaya hai...

Duniya ki bheed me khud ko tanha paate hain,
Sitaro ki chaah me log badte jaate hain,
Tuut kar bhi logon ki ichcha puri kar jaate hain,
Hum kya kya maange taaron se,taaren humesha kam pad jaate hain...

Hum tab bhi tanha the, ab bhi akeke hain,
Jahan lagte mele the, wahan ab veerane hain,
Ummeedon ke baadlon me ek chaand humara bhi hai,
Fir ayenge din suhane, ye khwab saware bethe hain...hum teri aas me bethe hain...

....Tum aisi Lau banna ji....

Wo chulbul si, wo komal si,
Wo ithlati si, wo ujjwal si,
Umango se bhari nayi kirno si,
Haan, tum aisi Lau banna ji...

Bhulon ko raah dikhlana tum,
Man ka darr bhagana tum,
Pavitrata ki unmukh pratima si,
Haan, tum aisi Lau banna ji...

Jab koi musibat aaye tum pe,
Na rehna tum nirmal ujaale si,
Jala dalna use aag bankar,
Haan, tum aisi Lau banna ji...

Har path par tumhara sath denge,
Na ghabrana kabhi, vyakul si,
Batti banke tumhe prajwal karenge,
tum sirf humpe bharosa rakhna ji,
Haan, tum aisi Lau banna ji...